今晚同佢嗲地,大哥大嫂食飯..開頭有d唔自然...始終覺得自己未係好識處理呢d環境...後尾打機...就自然返好多喇^^佢大嫂個樣,好似h先生個媽咪..

可能每個男性老人家,老左都會鍾意用呢種方式同後生溝通..但我感覺真係似係到撩交嗌多d....最好既解決方法..都係..'收聲..唔好駁'...^^

估唔到咁細個貓仔..裝滿後都幾和味喎^^零食基金...good...增長增長..不斷增長..呵呵^^

中秋節快樂!食左冰皮同奶皇月餅喇..好滿足..不過..肥死>~<

一點幾先睇完醫生..似乎情況無乜好轉醫生比多支新款眼藥水我..兩星期後一定要再睇效果如何?無得改期...其實..我真係驚架表面睇好似無乜事..最怕原來好麻煩比人話我好為公司而攪到遲左成個月先覆診..有乜事..公司會理咩?我明..但..老細叫到唔通唔改咩?算啦..唔改都改左喇..以後唔改咪得囉

希望d衰運快d離開亞賢啦..5月生日到而家..似乎一直都無好過..真係有d戥佢擔心..

希望細佬一路順暢落去..機會不斷..事事順利就好喇

女人仔係咁小氣架喇..你咁鍾意扮傻咪扮到底囉..我地係唔會理你架...嬲嬲地..明明份'頭條新聞'睇完都拎返走..係唔比你呀..哼..唔係奉旨架

西鐵站'榮華'既員工實在太好人..多得你地肯幫我換..我先唔使再買多盒雙黃紅豆月餅錫晒你地

聽日覆診..其實有d驚希望無事啦

21/09/07

無返兩日,成檯都係野..進行移平山丘大行動...其實我仲好眼訓zzzz

22/09/07

好開心,返左日半又放假..不過又有野要做..好忙..'亨利'明天生日..我要做d野...為左滿足佢n個願望,製造驚喜..我唯有兩頭騰..買完等車返入去再出黎...時間完全唔係我話事..越急就越耐...頂...等巴士等左半個鐘..又曬喎...有無攪錯>~<我話過以後星期六下晝,我係一定唔會係尖沙咀等巴士返屋企架...等到我想喊..係真係有想喊既衝動...流汗流汗不斷流汗..又塞車..eee..激死..返到屋企放底野又要即刻出返旺角匯合(扮無事^^)...其實我好攰...'亨利'問我做乜咁攰..唯有賴大前日勞動得太多(其實今次做伴娘真係好攰>~<)...開心有冰皮月餅...仲有奶皇..呵呵呵呵呵.太好了..'ok'真係好進取..又有新口味..番石榴汁味軟雪糕..不過我始終鍾意豆腐多d..清d...返到屋企,收到第一個驚喜..'亨利'好開心^^總算無白費今日既心機...

23/09/07

happy birthday to you^^'亨利'生日快樂..由於佢要同小朋友考'黑帶'..下晝我又有時間預備今晚既party仔...又開始勞動..第一站銅鑼灣...買好晒我要既野之後..急急腳搭車返屋企放底野又要出元朗買野....頂..田中搬左又唔出聲..攪到我原本已好趕時間..變左趕上趕上趕...仲要人地行咁鬼死遠...討厭....拎晒野之後即刻搭的士返屋企..又係流汗流汗流汗.打電話比媽咪預備熄燈點洋蠋...收到sms已知一定係'亨利'既不滿短訊..為左唔好影響我心情同佢慶祝..決定夜d先睇...見到我拎到成手都係野時,佢已後悔sms話我..但無計啦..sms已send..收唔返...>~<叫你做野咪咁衝動架啦..哼...又要攪到我唔開心..算.你生日...夜d先再講(等過左佢生日先^^)..

慶幸無白費我呢兩日周圍走既心機...tum得少爺仔咁高興...party仔總算成功..呢兩日既體驗..完全有d人講幫大肚婆周圍買野食既感覺..呢到去個到去...九龍,香港,新界..原來都走勻...我呢d..唔夠名貴..唯有靠心意...多麼高興你完全接收到我既所有心意..太好喇..生日快快樂呀!!我總希望能永遠甜蜜地渡過...

連'動物之森'既動物朋友仔都比我call到黎送蛋糕比你..邊到你唔服^^銷魂貓貓做代表係門口等你出黎收禮..係咪好開心呢???呵呵^^

呢個星期我真係好攰,係身.心都好累...真係要抖下喇...

這個星期忙到不得了..攪完婚宴攪壽宴..完全馬不停蹄..累..很累..但快樂^^

16-17/09/07

為左19號, 要早d訓..年紀大喇..唔可以唔訓覺...通一晚宵..訓返十晚都補唔返>~<所以唔訓..唔可以

18/09/07

想早訓, 但唔得, 要過新娘屋企陪佢過最後一晚單身之夜, 其實無乜特別..呵呵..食左新鮮空運'義美蜂蜜蛋糕',鴨舌同我最愛牌子'維格'既鳳梨酥..'嫦姨'真抵錫^^全部都好岩心水(為左聽日狀態好d..明明應該連正餐都唔好食..點知..仲食多左其他..oh no..果然係小'胖'娘>~<嗚...)始終自己屋企梳洗岩心水同方便d..最後十一點幾都係揀返屋企, 寧願聽朝早d起身出門口

19/09/07

新婚快樂呀..好朋友^^

大日子終於到, 係樓下撞到化妝小姐maggie, 入屋時新娘竟然仲未起身??懶鬼>~<

化好妝, 換好衫..心情好興奮^^姐妹們開始到..開始好嘈(女人太多..真係幾得人驚^^)其中一part玩新郎,完全滿足晒我兒時大嗌落街既慾望..哈哈^^'樓下著紅色衫..狽黑色袋個個男人你同我企係到....'哈哈..諗起都覺得低b...笑笑笑x100^^

新娘換左7套衫..又要換首飾..每次又要執返d衫同首飾..其實都幾忙亂..好彩化妝小姐maggie幫手換衫...我地總算合作愉快...maggie仲每套衫都好有心機幫新娘整頭..好good..真係好good..好鍾意佢整既髮型..真係好有心思同心機..而且整得好靚添(我第一次見咁有心機整頭既化妝小姐..真係好good)

我見到最後既一道菜係'翅',之後個d我根本都未見過...成晚我食左一個蟹鉗..好好味^^另一樣好good既一定係'皇上皇'酒樓對一對新人既照顧..真係好得...又係我從未見過既細心...新人影影下相..佢地會主動遞水比佢地飲(新娘個杯仲要已經有飲管係到..因為知你搽左唇膏嘛).. 新娘係新娘房換衫,完全唔得閒食野..佢地又特登夾左d'送'拎入黎..仲要細心到切細舊左比我地(又係方便我地搽左唇膏)..之後敬酒..佢地又會截停佢地上菜既同事,要佢地行第二條路..總之就唔好阻住我地敬酒條路...最後係新人都未發覺唔記得問酒樓拎返對私人香檳杯前..佢地已經主動打返比對新人..通知佢地隨時可以去拎返....坦白..我真係覺得佢地好good..呢d服務態度絕對地值得表揚..簡直抵讚^^

要幫新娘執返所有手尾..結果都係叫媽咪佢地走先..夜d我先走..好彩之前一路幫新娘換衫,一邊有執返好d野..如果唔係留返最後先執..真係唔知幾點先走得...佢地好好人..車埋我返屋企..太好了...我對腳就黎跛喇>~<我呢d'波鞋人'..著足一日高踭鞋..無死都已經偷笑...雖然都有d痛..不過我仍然覺得自己今次對高踭鞋係買得好好...最重要係靚囉..呵呵呵^^我真係鍾意佢架喎..我肯定..我一定會再著..最少x'mas一定會著..哈..呢間d鞋真係唔錯...羊仔皮..唔算好刮腳..又靚...三百蚊有找少少...算好唔錯..睇左d鞋款咁耐以黎,只有兩間鋪頭真係吸引過我入去試...一間係聯合..一間係利時...竟然..呢兩間係同一鋪頭,只係大家係分店..我認我挑剔架..唔係係高踭鞋我就會試...真係好吸引我先會試..咁岩竟然係同一間..證明我真係好buy佢地d款^^話過以後要買女仔鞋..第一時間一定去佢到睇...

今日好多人都好開心..但我知最開心一定係亞姨..估唔到'哎呀姨丈'咁識做...佢今日既表現..簡直係九十分以上..tum得亞姨咁開心..完全掂..不過唔好諗得太多..順其自然吧...伴郎兄弟都好幫手..佢地真係好夠兄弟..學uncle話齋..真係睇你群咩人大?真係無錯...

估唔到新郎咁眼淺,我同佢可以比賽喇..

20/09/07

作死..原本堅持今日會返工..但唔掂..真係好累好辛苦..完全個人好似散晒咁..係真係身起唔到身個隻..結果...再請多日假....晏晝發現..oh..個天對我同新娘都算係咁...時間夾得岩岩好..唔怪得咁攰啦..感謝主...

我諗...最錯係我就慣晒你..比你知道我錫你....

最近..我真係有種好攰既感覺...乜野都係我..其他人低能架咩?1805你已經打黎..你都仲可以話只係睇下會唔會有可能我係附近?是但啦...咁都仲可以撐...我咪信囉..仲可以講咩姐?呢d叫信任.對你有信心....或者啦..我對你有信心先會叫你做野嘛?唔該晒...

你永遠唔叫佢地,佢地永遠都唔會有機會比到信心你添..講>~<你永遠唔駛佢地做..佢地的確係會一世都唔識架...咁咪好囉..合晒你意啦...你最想要既結果..可能係睇下幾時做死我..又或者幾時我會狠心地乜都唔再理(我知你睇死我心軟之嘛>~<)

可以既話..做得幾多我都做..忍得幾多,讓得幾多我都讓架喇..你仲想點?係咪你對我要求特別高,特別多...相信你自己好清楚...

從來我都好怕煩, 一煩我就會收聲..最近我已經覺得真係有點煩....我唔係覺得我無錯..只係唔覺得你有必要發咁大爛渣姐....我有幾硬頸?你無理由唔知....平時點忍你讓你都可以...但我今次真係覺得有d煩...呢一刻...我真係唔識/唔想氹..或者就大家都安靜下吧...

'氹'可能到最後都要做...但...而家...我真係唔想做住囉...

係我自己心火盛? 定真係樣樣都有問題? 我自己都好想知>~<

係我心情唔好樣樣都睇唔順眼? 定係你地見我退一步, 你地就進一步?

無心情..都係早d訓..唔好同人接觸好d

'戀愛大爆髮'幾好睇..好多歌舞..視覺同聽覺都好豐富..入場前完全唔知套戲會講咩..反而感覺驚喜^^女主角其實都幾靚..係就係肥左好多...不過靚就係靚架啦..係唔靚既..肥定瘦都係唔靚架....不過如果女主角瘦返d..就一定更加靚女既^^..如果呢個世界真係可以做到,唔會有歧視既存在...咁就實在太好喇...不過...似乎可能性係零...(自問都唔敢講自己係咪做到?人地好污糟好大汗..我都唔會比佢攬住啦..唔知咁..算唔算歧視佢呢?)

親愛的: 

這個星期大出血..真係有d肉痛架...不過見係你..我先咁重手....畢竟一歲識到而家...無計啦...我地係真正好好感情既好姐妹嘛..呵呵^^離你既大日子越黎越近, 大家都開始緊張, 希望你鼻鼻暗瘡快d好返就好喇...唔好再咁勞氣,成日唔開心啦...影響心情影響皮膚..到時就唔靚女架喇..人多意見多.係咁架啦..你就黎做人'新抱'..要學識好多野都要忍讓同包容,知嘛?大個女,唔好再咁任性喇...

呢一刻你需要既野,呢個人比到你..好自然就會覺得佢係好...不過,下一刻可能你又覺得佢唔好架喇>~<..因為下一刻你需要既野佢比唔到你喇嘛....如果你地之間係無'愛'既存在...咁關係就會變差..如果有'愛'嘛...自自然然就會搵到方法繼續相處..愛屋及烏...就會連對佢身邊既人..你都會大量d架喇^^

之前同你講既野,相信你而家慢慢已經開始感受到..人生就係咁...要學習既野實在有太多..而且..有好多係書本上都無得學..始終要實戰先知^^親身感受過就會明白..

睇見你老公咁成熟同錫你..我真係好開心同好放心...記得唔好成日蝦人呀...你都要錫佢多d..唔好成日發脾氣要佢難做啦...手掌又肉,手背又肉..你叫佢可以點喎?可以既話,盡量忍讓下囉..或者咁諗...你老公錫你,你錫返你老公...你讓佢屋企人係出於因為你錫你老公,你唔想老公難做.唔想攪到老公唔開心..你咁諗...相信你就會真心真意地忍讓多d..相處係真係要'以愛包容同忍讓'架...你愛呢個人,自然有好多野你都可以包容到...輸贏根本唔重要...贏左個面..傷左感情..好無謂架....講到尾..你老公真係錫你咪得囉..係咪?

聽晚倒數十日就係大日子喇...好期待呢...

預祝你同你老公白頭到老,永結同心,幸福美滿,甜蜜一生

好姐妹上