我要的是......

不喜歡加數的人 | 4th Nov 2007, 23:11 PM | 感覺是... | (85 Reads)

重臨舊地..我好驚...個心話比自己知..最好唔好去..但又知道..始終都要面對..
慶幸有好多地方都變左,雖然都仲諗返起好多野..心痛既感覺猶在..不過未致於令我想哭..
係車途中..一路我都好靜..沿路所見到的..我都諗起d野...當見到陌生既野..我就好開心..
因為新鮮既畫面,就唔會令我勾起任何回憶

其實我好無用..唔好成日都引誘我啦..平時幾咁定的我...始終都會有某d野特別吸引我的...
一次,兩次,三次......我唔知自己可以再把持到幾耐的...

有時..現實明知錯的事..心底裡唔代表其實唔想做>~<

留言(1) | 引用(0)

適應

不喜歡加數的人 | 1st Nov 2007, 22:39 PM | 感覺是... | (115 Reads)

唔覺唔覺老豆已經停左牌半個月有多..呢d日子..慢慢都開始習慣....
暫時所見,黎緊呢半個月老豆都唔會悶..我見佢都開始安排好自己既節目...
護衛課程個邊,竟然無嫌佢老,都比機會佢去上堂^^..加埋佢又報左名唱大戲..good...

嗲地媽咪既關係..最近好似好返d..呢樣係我最開心..
以我觀察所見...得出既結論係...
其實媽咪平時係太悶..可能老豆真係有好多野都令到佢好嬲..
但致命傷係...老豆令到佢好嬲不特止,而且係完全無時間陪佢..
攪到媽咪就永遠只會嬲上加嬲..而老豆平時根本就無機會,無時間去tum返媽咪..
因佢要開工嘛....但,而家停牌..有時間陪媽咪..
即使媽咪有時仲係唔多理啋老豆..但起碼十句都有一兩句會應下佢..
而家落街食野都有老豆陪佢...我真係見到佢心情都好返d..
原來兩個人一齊最重要既..係有時間陪對方..係真係真架...
女人好傻..一個星期入面..男人只要有一兩日記得個女人.陪下佢關心下佢..
個女人就會忘記/原諒之前個五日男人所激嬲佢既野...
你話女人簡單又好,蠢又好..但呢個真係事實..
之前媽咪唔開心,完全唔同老豆講野...
主要原因..應該係嬲佢做得唔好之餘..仲完係全無時間陪佢...
佢覺得好悶..佢覺得老豆只會帶唔快樂比佢..
(衰d講句..感覺上係變左一個怨婦>~<)

其實我知佢而家仲成日有好多唔滿意..佢真係睇老豆乜都唔順眼架...
根本就係對人唔對事...
我有同佢講點解要咁樣??佢最多就唔出聲..或者講句..你唔明囉..
其實我好憎聽到呢句架..既然你鐵定我係唔明..咁你仲同我講做乜唧?
根本你都唔聽人講,乜都你講晒,你岩晒... >~<
希望黎緊既日子會越黎越好啦...我真係希望大家都可以真正咁開開心心.

之前都講過..呢一刻需要既野,人地比到你,好自然就會感謝對方..
有時好多野根本就無得揀...
骨氣..我有架..仲好有添...
但..可以當飯食咩?呢個道理,我好細個已經明..
既然呢一刻日子一定要咁過.咪吞聲忍氣一d做左去先囉..
死拗頸.根本就無意思...呢一刻佢對你黎講係衰人..下一刻可能佢已經變左係你恩人喇..
呢d先叫人生..呢d先叫做現實生活....
我都好想一世唔使睇人面色做人..但..可以咩????

留言(1) | 引用(0)

乜都識?

不喜歡加數的人 | 25th Oct 2007, 23:37 PM | 感覺是... | (134 Reads)

究竟咩原因令到你地覺得我乜都識?乜都得?
其實好多野我都唔識架..可唔可以唔好乜野都搵我?
(我知我咁諗好似好衰女,但..當乜野都關你事時..其實真係好煩>~<)

留言(1) | 引用(0)

白日夢?

不喜歡加數的人 | 25th Oct 2007, 00:04 AM | 感覺是... | (141 Reads)

如果你想生活開心d.別人對你笑多d..第一步你應該學識稱讚別人..
如果你永遠覺得人地做乜都係唔好,好明顯係你已經對人唔對事...
你唔同意..只係因為你唔願意接受現實...

你究竟仲想佢點?係咪人人都同意你,話佢真係唔好,你就最開心?
究竟你諗緊乜野?

我發覺原來我真係幾雙魚...因為我真係幾鍾意發白日夢...同...發呆..
最近....發白日夢既密度好似越黎越高..
點解會咁??
點解會叫做白日夢?係咪日抖發既先叫白日夢?咁夜晚七點幾發個d叫咩?

留言(0) | 引用(0)

需要..加油?

不喜歡加數的人 | 19th Oct 2007, 03:26 AM | 感覺是... | (78 Reads)

凌晨2點幾, 你選擇入黎扮幫我開冷氣, 試下我訓左未? 證明..你覺得真係非講不可...
聽你講完..其實我係唔開心..唔開心點解你要咁諗野?
明明係一件已經值得開心既事,點解你偏要係入面挑剔?

我真係感覺到有壓力..真係覺得抖唔到氣..再係咁落去..我究竟會點?
你口口聲聲話知道對我好唔公平,但同時你只不過係繼續做緊..咁..請問咁算點?

眼淚不斷係咁流..我唔想眼腫..唯有唔訓住..我諗起朝早柏盈係msn既一句說話.
雖然只係簡單到不得了既一句說話...不過當時睇到..我既眼淚不期然就湧左出黎..
原來呢一刻..我需要既係...'加油'

留言(3) | 引用(0)

又要再教過>~<

不喜歡加數的人 | 18th Oct 2007, 18:49 PM | 感覺是... | (89 Reads)

唔開心...之前要長註大陸既香港同事唔做...
接手既係個大陸女仔..難得我教佢,同佢夾左個幾月...叫做最近夾得算幾好無耐..
頂..岩岩收到通知話佢係15號因私人理由離左職..而且仲講到好似話佢之前所做既野只係佢個人既問題之類....

唔怪得之.呢兩日無人覆我MAIL啦...唉
講真..我同佢夾得真係幾OK架..人地教好晒...妖..你又轉人...玩咩????
我最憎就係教新人...而且...大家係唔同既地方...教係真係有D難度....麻鬼煩..
難得今次呢個女仔算ok醒目..有問必覆,而且覆得快..點知..咁快又走....救命..又要再教過..激氣呀

留言(0) | 引用(0)

如果.....

不喜歡加數的人 | 12th Oct 2007, 00:32 AM | 感覺是... | (112 Reads)

如果唔開心講左出黎會好d..就好喇....